"Hud the lift!"  The bags Willie carried clanked as he ran.

Eric put his hand out to stop the door from closing.

"Ta much." Willie puffed.

"Nae problem." Eric eyed Willie's bags "Planin' a party?"

"Aye, it's at ma mate's."

"Aye."

The doors slid shut.

"Which flaer y' wantin'?" Eric asked.

"Twelve."

"Right y' are.  Ah'm goan tae the sixteenth ma self."

"Oh aye." Willie stared at the display.

"Aye, ma wife's cookin' us a special dinner."

"Aye?" Willie mind was on the party.

"She's a grand cook ma wife, y' should taste her spag bol, no' that she's cookin' spag bol the night y' understand.  Naw tonight's a special night, lamb casserole Ah think she said, or wis it a curry?"

"Sounds nice."

"Oh aye it'll be nice.  Y're welcome tae come if y' want."

"Party an' aw tha', y'know." Willie raised his bags in explanation.

"Oh aye party.  Right enuff."

The two stood in silence watching the display.

"C'moan." Willie muttered.

"They always take longer when y' watch the lights."

"Seems so." Willie tapped his foot.

"Its no' gonnie make it go any faster."

"Eh?"

"Daen that wi' yir foot, its no' gonnie make the lift go any faster."

"Mibbee naw.  It makes me feel better, but." Willie continued to tap his foot.

"Gonnie quit it!"

"Or whit?"

The lift shuddered to a halt and plunged into darkness.

"Aaw naw!" They both cried.

"Whit did y' dae?" Eric shouted.

"Ah didnie dae nuthin'."

"Y' must've touched summit."

"Ah telt y' Ah didnie dae nuthin', hud yir wheesht it'll get goan soon."

"It'd better, ma wife's cookin' us a meal."

"Aye so y' said."

The lights came back on.